Mizo Elite News hi ṭha i tihzawng a nih chuan min lo Follow dawn nia

Tawngkam Mawilo Tak Tak Hmanga Britain Lal Fapa Prince George An Diriam Vangin Prince William Te Nupa An Lungawilo

Euro 2020 khelh zawh tak ah Italy in hnehna an chan hnu in England fans tam tak an chet dan a mawi lo hle a, an ram tana khelmuala chhuak mihang Player pathum ten Penalty an hlah vangin a na thei ang ber in Social Media ah an ankhum zui chiam.

Hei chauh hi a ni lo. An ram lal chhungkua zinga mi Duke and Duchess of Cambridge, Prince William leh Kate te fapa Prince George thleng in Online Troll a tawk a, Final a Britain lal fapa Suit hak ringawt te chu sawisel a hlawh hle.

Prince William leh a nupui Kate te tan ngei pawh an ram mipuite chetdan huatawm tak hi a lungawithlak loh tak zet. Royal expert te chuan Prince George an ti khawpa Online a dem leh sawisel a tawh vang hian Prince William te nupa hian hun eng emaw chen an fapa hi vantlang hmuh ah inlan tir an tum tawh lo niin an sawi.

July 22 khian Prince George hian kum 8 a tling dawn a, kumtin a piancham pual in a thlalak mawi leh hmuhnuam tak tak phochhuak thin a ni. Mahse kumin a piancham ah erawh chuan an ram mipuite khawsak dan hawihhawm loh tak vangin Prince William leh Kate Middleton te hian an fapa thlalak hi an release hmel loh.

Royal biographer, Angela Levin chuan True Royalty TV’s Royal Beat hnen ah “Prince George an kum 8 a tlin hun ah hian a thlalak kan hmu hmel loh. A chhan chu ram mipui te ngeiin nuihsawh a diriamna tinreng nen an chirh thehna ah hian an lawm lo tak zet a ni” tiin a hrilh.

Lal chhungkua te hi mi zahawm tak an ni a, heng hmuhsitna leh innuihsawhna Online Troll ang chi reng reng hi chu an en liam san mai mai in a rinawm loh hle. Online a midang sawisel leh rilru natna thlen sak phet tum lah an tam tawh si a, heng mite hi an hnawksak in an khamawm thin teh zawng a ni e.