Mizo Elite News hi ṭha i tihzawng a nih chuan min lo Follow dawn nia

Thi Tawh A Ngaih Leh A Chhungte Pawh In A Vuina Tur Ruahmanna An Siam Mek Chu A Rawn Nung Leh

India rama mi pa pakhat chu Road Accident a tawh hnu ah hliam na tak tuarin Private damdawiin ah Inrinni khan panpui a ni a, Ventilator hmanga enkawl a nih hnu ah Doctor te chuan brain dead tiin thi in an puang.

Times Of India in a tarlan dan in hepa hi Shankar Gombi a ni a, kum 27 a upa a ni. Doctor in a thi tawh tih an puan hnu Inrinni zan khan government damdawiin ah a ruang endik turin thawn a ni a,a chhungte pawhin a vuina hun hmang turin an lo inbuatsaih hman tawh.

Mahsela autopsy an tan chuan a taksa te chuan thil a la hre thei vek a, a hmulthi a la awm. Shankar chhungte chuan senior officer in post-mortem (autopsy) room a endik hna a thawh chuan ala dam a ni tih hi a hriat thu an sawi a ni.

Endik hna thawk tu Dr. G.S. Galagali chuan a mar leh a lungphu te ala awm ngei tih a nemnghet a. Kum 18 chhung a hna lo thawh tawhah 400 ai a tam post-mortem neihsak tawhin hetiang thil hi ala hmuh leh tawn ngai loh a nih thu a sawi ve hial reng.