Mizo Elite News hi ṭha i tihzawng a nih chuan min lo Follow dawn nia

Tattoo Leh A Taksa Dang Siam Ṭhatna Atan $120k Teh Meuh A Inseng

Pathian in a duh taka min siam ah hian lungawi thiam a ṭha. Mahni landan han duh khawp loh mai chu a va hahthlak awm zawk e. Pangngai taka a lan dan chuan a awm a ti nuam lo zawk.

Queensland a Brisbane a mi Amber Luke (Kum 25) hian a taksa a tattoo chhut tir nan leh a taksa tih danglamna atan ringawt $120,000 lai mai sum leh pai a seng tawh.

A chhip aṭanga a ke ler thleng in Amber Luke hian tattoo 600 dawn a nei a, a tattoo chhut tirna atan ringawt hian $50,000 a hmang. A taksa chu thuhran a mitmu ah blue ink inject a duh tlat bawk.

A taksa khawih danglamna atan hian $70,000 a hmang thung a, a vaia a insenna zat chu $120,000 a ni hem mai. Amber hian a lei (tongue) a ṭhen hran tira, a awm bawr/hnute a siam tir a, a hmui leh biang bakah a beng leh a mawngtam te a khawih danglam tir a ni.

A taksa ah hian tattoo awmlo lai a awm zeuh zeuh chauh, a mitmu an khawih vang hian chawlhkar 3 lai khaw hmu thei lo in alo awm phah bawk.

Hetiang zat zat sum khawhralna atan chuan a sum senna hi mitam tak tan chuan a ṭul lo viau awm e. Amber tan erawh chuan amaha inrintawkna siam sak tu a ni zawk.

DM