Mizo Elite News hi ṭha i tihzawng a nih chuan min lo Follow dawn nia

Tattoo a ngah lutuk vangin a fate ngei pawh in an hre hleithei lo

Midang te aia a landan a danglam vangin a fate ngei pawn an hrechiang thei meuh lo. He hmeichhia Oakham a mi Aimee Smith hian a taksa leh a hmai tiamin tattoo 40 chuang a nei.

An awmna a mi te chuan ‘the girl with the tattoos’ tiin an hre lar hlur thin a, TV show Hooked On The Look a experiment atan a inlan a, midang te pawh in a landan an hmuh chuan mak tiin an en nasa thin tih a sawi.

Kum 23 a upa Aimee Smith hian Daily Star hnena a hrilh danin a tirah pawh amah ah inrintawk lohna hial a nei thin a, a nu ngei phei chu a hmuh rual in a tap tih a sawi. A chang phei chuan awm nual lo taka a awm ve thin thu a sawi bawk. Mahsela tunah chuan ngaiah neiin midang ten a landan an ngaihdan turah buai lovin a danglamna vanga a inchhuanzia a hrilh tawh.

Kum 14 a nih atang in tattoo hi a chhut tir tan a, mite chuan a hmel leh landan a tichhe zo vek zawk tiin troll nasa tak a dawn phah. A Tattoo ngah nasa lutuk vang in a fate pawhin tu tih hrelo in an hai phah hial ani.