Mizo Elite News hi ṭha i tihzawng a nih chuan min lo Follow dawn nia

‘Tarzan’ star Joe Lara Leh A Nupui Thlawhna Chesual Ah An Thi

Adventure movie ‘Tarzan: The Epic Adventures’ atang a mite hriat hlawh tak mai Joe Lara chu a nupui leh midang te nen thlawhna private jet chesual ah nunna an chan tih hriat a ni.

TMZ in a tarlan danin Joe Lara leh a nupui te hi Inrinni khan private jet Cessna 501 hmangin Smyrna Airport atang Palm Beach an pan a, vanduaithlak takin an thlawhchhuah atang reilo ah Percy Priest Lake ah an tla.

Accident thlen thu hriat a nih ve leh chhanchhuak tu pawl rescue team te thil thlenna lam pan in an che chhuak nghal a ni. Amaherawh chu authorities ten TMZ te hnen ah thlawhna a chuang passengers te chu damin chhan theih an nih loh thu an hrilh.

Lara leh a nupui Gwen Lara bakah an chuanpui midang te an boral a, nunna chan hi an vaiin mi 7 an ni tih an puang. An chhungte hnen ah vanduaina thlen thu hi an hrilh a, thlawhna chetsual chhan ah hian Investigation neih a ni.

Lara hi ‘Tarzan’ adventure film hrang hrang ah inlanin ‘Tarzan in Manhattan’ ah te hnehsawh takin alo chang tawh. Hei bakah movie dang ah pawh action-fantasy roles a lo la ve nual bawk a,a inlanna dang te chu ‘Steel Frontier’, ‘Sunset Heat’, ‘Gunsmoke: The Last Apache’, ‘American Cyborg: Steel Warrior’, ‘The Magnificent Seven’, ‘Baywatch’ leh ‘Tropical Heat’ te kha a ni. Lara leh Gwen te hian an fate pathum an kalsan a ni.