Mizo Elite News hi ṭha i tihzawng a nih chuan min lo Follow dawn nia

Taliban Ten Hmeichhia Te Chungah Rawng Taka Chet An Tum Tawh Lo An Tih Hnu Lawkah Hmeichhe Pakhat An Kaphlum

Taliban te chu an thuchhuah ngei ah an ding nghet zo leh ta lo. Hmeichhia te lakah a hma ai zawk a fir a chet an tum lo tih an puan hnu lawk ah an zia dik tak an chhuah leh nghal.

Takhar province ah hmeichhe pakhat chu burqa a inbel loh vangin Taliban ten an kap hlum tih New York Post chuan a rawn puang zar.

He hmeichhia an tihhlum tak ruang thlalak hi Internet ah a darh chak hle. Thisen tam tak chhuak in a let a,a nu leh pa ten a ruang hi an bawihsawm a ni. Taliban spokesperson, Zabihullah Mujahid in press conference ah ‘woman right’ chungchang a puan laia tiang thil a thleng leh nghal hian nasa takin dem a hlawh.

He hmeichhia hian burqa a inbel duh loh vangin Taliban te hian an kaphlum zui nghal mai a ni awm e. A ni bakah hian Journalist pakhat pawh in kut a tuar thu report a awm zui bawk.

Biden Administration a hmingchhe hle a, White House kawt ah Biden bang turin mipui te an au rual. Hetih lai mek hian Kabul Airport gate ah Afghan hmeichhia ten US sipai te hnen ah puihna an dil a, chhanchhuak turin an ngen lawm lawm mai. Britain lam in Afghanistan te tanpui an tum tih an sawi a, Prime Minister Boris Johnson chuan kumin ah UK in Afghan refugees 5,000 luhtir an tum tih a sawi.