Taliban leh Afghanistan te boruak chuan khawvel a chiah hneh hle a, Afghanistan chu muslim terrorist nunrawng leh suak sual Taliban terrorist kutah a tlu mek. Afghan mipui te mangang leh thlabar takin Taliban lak a an sahimna zawng in an tlanchhia.
Buaina chhuah mek karah hian Afghan hmeichhe pakhat in mittui tla zawih zawih chunga a ram tana video a siam viral zet chuan mite rilru leh thinlung a chhunsak chiang hle.
He hmeichhia hi khawi hmun a mi nge tih leh a hming pawh hriat a nilo. Video ah hian “We don’t count because we were born in Afghanistan” tiin bul a rawn tan. Mittui tla zawih zawih in Afghanistan chu khawvel in a hnungchhawn a ni a ti. Tumah in an ngaihsak loh thu leh muangchang a an nunna in an tawrh mek thu a sawi.
Video hi Iranian journalist leh activist Masih Alinejad chuan Twitter ah a post. Mi maktaduai 1.6 chuang zet in he hmeichhia in an pianna ram dinhmun tawn mek lungchhia leh beidawng taka a puanna hi an thlir tawh a ni.
"We don't count because we're from Afghanistan. We'll die slowly in history"
Tears of a hopeless Afghan girl whose future is getting shattered as the Taliban advance in the country.
My heart breaks for women of Afghanistan. The world has failed them. History will write this. pic.twitter.com/i56trtmQtF
— Masih Alinejad 🏳️ (@AlinejadMasih) August 13, 2021
Journalist Masih Alinejad hian Caption ah Afghanistan hmeichhia te dinhmun chuan a lung a tichhe hle tih a sawi. A hma Taliban thuneihna hnuai ah khan Afghan hmeichhia te chung alo pik hle tawh a. School kal leh hnathawh ve phalsak an ni lo a, in chhuahsan a vantlang hmuh theih a an inlan dawn in an taksa an khuh vek tur a ni, mipa ten an escorts tlat tur a ni bawk. Hei vang hian hmeichhia te dinhmun hi a ngaihtuah hmasak loh theih loh.
