Afghanistan chu misual firfiak Taliban ten lalna leh thuneihna an chelh leh atang chanchin lungchhiatthlak tak tak te hriat tur a tam hle a, news luah tu ber an ni chho mek zel.
Taliban kuta Afghanistan a tluk luh chiah khan a bik in hmeichhia leh naupang te dinhmun tur ngaihtuah a na hle. Hmeichhia te chungah khawthlang in relbawlna kawng ah te a hma ang em em khauh a ni tawh lo ang an tih hnu lawk ah hmeichhe pakhat chu burqa a inbel loh vangin silai in an kaphlum leh ringawt.
Afghanistan hmeichhe Mayor, Zarifa Ghafari ngei pawh Taliban in an awp leh avang hian thlaphang mahse huaisen takin hmachhawn let a tum a, a nunna chu dinhmun hlauhthawnawm ah a awm tih pawh a hrechiang.
Heti chung hian Taliban te lak atang hian tlanchhiat a tum lo tih a sawi. Zarifa Ghafari chuan Taliban te lo kal hun chu a nghak a, amah tanpui turin a chhungte tak ngial pawn an thei lo. A chhungte a kalsan thei lo a, a pasal kiangah awm in Taliban te hmachhawn thei tur hian rilru a lo siam fel sa vek tawh a, tlanchhiatna tur hmun dang reng a neih lo tih British Newspaper te a hrilh a ni.
Kum 27 a upa Zarifa Ghafari hi Maidan Wardak province a Afghanistan hmeichhe mayor hmasa ber a nih bakah naupang ber a ni tel bawk a, 2018 khan thlan a ni. Hmeichhia te dikna leh chanvo humhalh kawng ah theihtawp a hma la in aw alo chhuah thin.