Mizo Elite News hi ṭha i tihzawng a nih chuan min lo Follow dawn nia

Taliban Te Thuhnuia Awm Duh Lo A An Ram Tlanchhiatsan Afghan Nu Chuan US An Panna Ah Nau A Hring

Taliban te thuneihna hnuai a awm duh lovin Afghan mipui tam tak ten an ram an chhuahsan ta a, an duh ber chu zalen leh engthawl taka nun pangngai tak hman ve a ni.

Misual firfiak in Afghanistan an awp hnu a chanchin duhawm lo tak tak hriat a nih hnu ah chanchin tha lam a rawn awm. Taliban te hnuaia awm duh lo a an ram tlanchhiatsan tu zinga mi Afghan nu pakhat chuan US an panna kawng ah nau a hring tih hriat a ni.

US Air Mobility Command te tarlan dan in he nu hi US C-17 ah a chuang a, Middle East atang an tum ram an panna ah thlawhna a thlawhsan lai chuan a nuam sam lo tan a, he hmeichhia leh a naute nun chhan nan hian an theihtawp tak meuh an chhuah tih Air Mobility Command chuan Twitter ah an sawi.

Germany a Ramstein Air Base an thlen ah naute hi a piang a, 86th MDG ten tha tak a lo buaipuiin medical facility lam a enkawl tura hruai nghal a ni. Naute hi hmeichhia a nia, a nu nen an dinhmun pawh a that thu an puang.

US hian July thla atang khan mi 18,000 chuang thiarchhuah an nih tawh thu hriat a ni a, US C-17 cargo jet ah 640 Afghan refugees an chuang. 150 passengers phur tura design a nia, mahse tun dinhmun ah erawh bituk a theih tawh loh.