Mizo Elite News hi ṭha i tihzawng a nih chuan min lo Follow dawn nia

Taliban Te Nunrawn Luat Vanga Afghan Te Tawrhna Kalzel Ah He Naute Hi Airport Ah Hnuchhiah A Ni

Taliban kut a Afghanistan a tluk luh hnu ah Afghan mite tawrhna hrang hrang Social Media ah hmuh a ni chho zel a, mitam tak te chu an sahim nan an chenna in chhuahsan a ngaih phah.

Airport ah mi eng emaw zat in an awmna rauh san turin an inhawr khawm nasa hle. Thlawhna a inhnawh len ngei tumin an bei a, a then te chu thlawhna ke ah lo beiin vansang a a thlawh laiin lei lam ah an tla thla nawlh nawlh bawk. Afghan mite tawrhna hi sawifiah thiam chi a ni lo.

Kabul Airport buaina ah khan thlalak lungchhiatthlak tak dang hmuh tura phochhuah a ni leh. Naute hnute pawh la nghei lo tih hriat reng reng thla 7 lek a upa chu Kabul Airport ah hnuchhiah a ni a, a nu leh pa te chin hriat a ni lo.

He naute hi tap chungin bawm chhung ah a lo awm a, a nu leh pa te nen an inthen hrang. Afghanistan’s Asvaka News Agency te chuan naute hringtu te hi PD-5, Kabul ah an cheng niin an sawi a, a nu leh pa te zawngchhuak turin an bei mek.

Netizens tam tak te naute thlalak hian an rilru a ti na hlawm viau. Khawvel a thuneitu lian leh international agencies te tawngkam na tak tak in an tawngkhum a, US President Joe Biden leh North Atlantic Treaty Organisation (NATO) te chu engvang a ngawi tlat nge an nih tih zawhna zawt in an dem nasa ngang mai. United Nations leh Chief Secretary Antonio Guterres chu he naute thlalak ah hian tag a ni bawk. Taliban te hian Afghanistan mipui te venhim an tiam chu an hlawhchham der an ti.