Mizo Elite News hi ṭha i tihzawng a nih chuan min lo Follow dawn nia

Sushant unaunu Shweta Singh Kirti i’n a unaupa bialnu hlui Ankita a thlawp; dikna in hnehna a chang ang

Bollywood ah buaina a la inbelh chho zel a. Sushant Singh Rajput unaunu Shweta Singh Kirti chuan a unaupa Sushant bialnu hlui Ankita Lokhande lam ṭang in, a thlawp zia a rawn auchhuah pui ve leh.

Ankita Lokhande hian a Instagram lam ah Sushant thihna ah hian thudik vanga dinchan leh hnehna an chan tur thu post a siam. Hei hi Sushant unaunu chuan Comment ah a support zia tilang in “God is always with the truth” tiin comment alo hnuchhiah.

Ankita Lokhande hi Sushant nen hian an inṭhen tawh a mahsela hetia Sushant a boral hnu hian a chhungte lakah a tla tlum a fak pawh a hlawh hle.

A nupui ni mai tur a sawi Rhea Chakraborty chan erawh a chau thung a. Sushant chhungte lam in an lawm lo. Sushant pa KK Singh phei chuan Rhea bakah a chhungkaw member leh midang te lakah FIR register in a fapa thihna kawng zawh tura nawrliam tu ah a puh.

A tira Alia Bhatt leh Karan Johar te dinhmun ang kha Rhea Chakraborty chungah a tla ve leh a. Thil hriatchhuah thar leh sawi rik chuan Rhea hi a tinzawn fur hlawm. Sushant sum leh pai felhlel chungchang ah pawh a mualpho phah bawk. Tunah rih chuan a thihna a mawhphur tu ah Rhea Chakraborty hi rinhlelh kai ber a ni rih.

Hindustan Times