Mizo Elite News hi ṭha i tihzawng a nih chuan min lo Follow dawn nia

Sushant thihna kal zel ah a bialnu Rhea Chakraborty an man ta

Thu a vai vir kual nasa a, a khawi ber nge awih a awih loh tur tih pawh hriatthiam a har ta nuai. Thu a inbat kawi nuai hlawm a, case pawh a kal rei tawh.

Bollywood star, Sushant Singh Rajput thihna kal zel ah vawiin khan a bialnu leh he thihna a mawhphurtu bera an puh fans ten an chuk rawn luai luai Rhea Chakraborty chu Narcotics Control Bureau (NCB) ten an man tih an tarlang ta.

Rhea man a nih thu hi India ram chanchinbu lian tak tak Indian Express, NDTV leh Times Of India te pawh in an chhuah tawh.

NCB te hnen ah Rhea hi a inpuang tih an sawi a, alakah hian finfiahna ṭha nei tawh in Drug case in an man tih an sawi. He case chungchang ah hian Rhea Chakraborty hi mi 10 an manna a ni ve ta chiah. A unaupa Showik, Sushant cook ṭhin Dipesh Sawant leh former housekeeper Samuel Miranda te pawh man an lo ni tawh.

Rhea hi a zawna ni 3 lai thu an zawhfiah hnu ah NCB te hian an hreng. Hmeichhe Police Officer escort in Sion Hospital ah medical test nei tura hruai a ni tih CNNNews18 chuan a sawi bawk.

Whatsapp chat/mobile phone chat leh electronic data aṭang te in heng drugs chungchang te hi a irh chhuak a, Rhea unaupa te hi an inhnamhnawih ngei tih chian in kar kalta khan an man. Rhea hi via video con. in Court ah a inlan hmel.

Chakraborty pa Indrajit pawh a rilru a na hle. A fapa an man ṭum in “Ka fapa in man a, in lawm a kim tawh em?” alo ti hial. Tunah a fanu an man ve leh ta si. Chakraborty chhungkua te tan a luhaithlak viau ang le.

NDTV, Indian Express