Mizo Elite News hi ṭha i tihzawng a nih chuan min lo Follow dawn nia

Sushant Singh Rajput vuina a a inlan loh chhan Ankita Lokhande in a sawichhuak

Sushant Rajput a boral khan rilru ah a bialnu hlui Ankita Lokhande engtin nge a awm ang tih kha tam takin an ngaihtuah a. Mahse a tuka Sushant vuina ah pawh Ankita Lokhande hmel hi hmuh a ni miah lo.

Sushant nen an inṭhen tawh vangin Ankita pawh hian a theihnghilh ta ah ngai tawk an awm. Mahsela Ankita Lokhande hian a bialpa hlui thihna khan a den nat zia tunhnai khan a rawn sawi a hei bakah a vuina a a inlan loh chhan pawh a sawichhuak.

June 15 khan Sushant Singh Rajput hi Mumbai a Pawan Hans crematorium ah vuina hun hman a ni. Ankita in vuina a a kal loh chhan a sawi chuan a ruang a hmuh chuan amah a tih nat zawk dawn vang a ti.

Tiang dinhmun a a va hmuh khan damchhunga ser siam in a theihnghilh tawh dawn loh thu a sawi a chung chuan amahah rilru natna bak a thlen dawn lo tih chiang takin a hre bawk a, a vuina a hmuh chu a theih ngang loh vangin a hun hnuhnung ah khan a kal lo ta tih a sawi.

Sushant boral hnu lawkah reporters te aṭang call a dawng a, Sushant a inawhhlum thu an hrilh. “Eng thil nge tih tur ber pawh kha ka hre tawh lo a ni” a ti, a tuk ah a vuina hman zui a nih dawn vangin rilru buai tak in a awm a, ngun taka a ngaihtuah hnu ah duhthlanna fel tak siam in rilru leh thinlung natna a thlen sak tur aiah amah alo inveng ta zawk a ni. Ankita hian Sushant thihna kha mite hmuh silo in a rukin alo tuar hle.

Ankita chanah hian indah ta ila mahni bialnu/bialpa te hun hnuhnung vuina a hmel va hmuh chu khawvel a thil hrehawm ber te zinga mi a tling pha hial ngei ang.

Vuina hun hman a nih hnu ah Sushant chhungte dang a pa leh a unaunu te chu a hmu zawk. Sushant nen inṭhen in he khawvelah awm tawh lo mahse dinhmun chhe ber an tawn laia an kianga awmpui chu a tih tur duty a ni a ti bawk. Sushant nen hian ‘Pavitra Rishta’ an chandun aṭang an inngaizawng.

News18