Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Thihna Kal Zelah Mi 8 Lakah Case File A Ni, Bollywood Star Salman Khan, Karan Johar Leh Ekta Kapoor Te Pawh Tel

Pathianni a Mumbai a Bandra flat a in awkhlum a hmuh Bollywood Star, Sushant Singh Rajput thihna chuan Bollywood ah sawi a ti tam hle a, a thihdan chungchang hi a la punlun chho mek zel.

Sushant Rajput thih danah hian a chhungte mai bakah a fans tam tak te an lung a dam thei lo a, Sushant kha mahni intihlum nilovin ruahman fel sa thlapa thah a nih rinna a lian a, a thihna ah hian nawr liam luih ah an puh.

Sushant thihna ah hian Case hial hawn a ni a, ukil Sudhir Kumar Ojha chuan mi 8 lakah thubuai alo theh lut a, Case hi Bihar’s Muzaffarpur a court ah thehluh a ni.

Heng mi 8 laka case a file sak te hi Bollywood ah pawh mi challang leh lawk zual ṭhah Salman Khan, Karan Johar,Aditya Chopra, Sajid Nadiadwala, Sanjay Leela Bhansali, Bhushan Kumar, Ekta Kapoor, leh director Dinesh te an ni hlawm.

Anni ho hian Sushant Rajput kha intihlum lo thei lo in an siam niin a puh a, Sections 306, 109, 504 leh 506 hnuaiah an lakah hian Complaint hi a lo siam.

He thubuai ah hian Sushant Rajput hi Film 7 aṭanga thehchhuah a nih te leh a film channa ṭhenkhat release a nih loh thu te a tilang.

Hearing hi July 3 ah neih tur a ni dawn a, Sudhir Kumar Ojha thubuai thehluh ah hian Bollywood Actress, Kangana Ranaut chu Sushant Rajput tan thu hretu witness ah alo ṭang dawn a ni.

Times Of India