Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Thihna Chungchangah YouTuber Pakhat In Dawt Phuaha News Siam In Sum Lakluh Nan Alo Hmang, Akshay Kumar An A Lakah Defamation Case Rit Tak A Siam

Bollywood lemchanthiam Sushant Singh Rajput intihhlum chungchang ah YouTuber pakhat chuan thu diklo leh dawt hmanga News siam chawpin YouTube ah a phochhuak a sum siam nan alo hman ṭhin vangin a lakah thubuai siam sak a ni.

He YouTuber hi SSR seilenna Bihar lam mi vek niin kum 25 upa a hming Rashid Siddiqui tia koh a nia civil engineer nia tarlan a ni bawk.

Siddiqui hian a youtube channel ‘FF News’ tih ah chuan SSR thihna kaihhnawih chu remchang ah pawisa hmuh nan a hmang ṭangkai a, dawt pui pui a lo tarlang ṭhin.

Maharashtra Chief Minister Uddhav Thackeray leh a fapa minister Aditya Thackeray te pawh fake news ah hian a hming a tilang a, man hial a nih phah. Milar hrang hrang te pawh dawt hmangin alo hmehbel nasa tih hriatchhuah a ni.

Midday tarlan danin Bollywood star, Akshay Kumar chu he Youtuber chungah hian a lungawilo hle a, a lakah intihhmingchhiatna ‘Rs 500 Crore Defamation Suit’ a file hmak tih an puang.

Siddiqui hian a Video tam tak ah Akshay hi a ti mualpho a. A sawidan chuan SSR an film lian tham ‘MS Dhoni: The Untold Story’ a chan vang khan Akshay hi lungawilo hle angin a sawi. Aditya Thackeray leh Mumbai Police te nen secret meeting nei ang ten leh SSR bialnu Rhea Chakraborty chu Canada a tlan tura ṭanpuitu ang ten alo puh a ni.

Thu dawnna in a tarlan danin Siddiqui hian SSR thihna case aṭang hian thla 4 chhungin Rs 15lakh lai a hmu. A youtube channel pawh reilo te ah 1 lakh aṭang 3.70 lakh zetin subcribers an pung bawk. Police in case an file hnu ah thubuai awrh in Court hian Siddiqui hi anticipatory bail a phal sak.

India