Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Thihna A Milar 8 Laka Case Siam Chu Court In A Hnawl

Nikum June 14 a Bollywood star, Sushant Singh Rajput thihna chungchang a Case kalzel ah Bihar’s Muzaffarpur a local court chuan Bollywood milar 8 laka Case siam tawh chu a hnawl tih Hindustan Times in a tarlang.

Sushant Singh Rajput thihna a Bollywood milar lawk zual laka thubuai thlensak tak te hi Salman Khan, Karan Johar, Sanjay Leela Bhansali, Ekta Kapoor, Aditya Chopra, Bhushan Kumar, Dinesh Vijayan leh Sajid Nadiadwala te an ni.

Nikum khan advocate, Sudhir Kumar Ojha chuan Bihar’s Muzaffarpur court ah IPC Section hrang hrang Sections 306, 109, 504 & 506 hmang in Complaint a theh lut. Chief judicial magistrate (CJM) court lam ten local lawyer Sudhir Kumar Ojha an Salman Khan, Ekta Kapoor, Sanjay Leela Bhansali leh Karan Johar bakah midang te SSR thihna a petition a file hi an lo hnawl sak tawh.Chief Judicial Magistrate Mukesh Kumar ngeiin a thubuai thlen chu Court thu neihna piahlam tiin a hnawl a ni.

Mahse Sudhir Kumar hian district leh sessions court ah te revision suit a file leh ngat a, mahsela vanduaithlak tak in  hlawhtlinna a hmu thei chuang lo. Ekta Kapoor advocate Priya Ranjan chuan Ningani khan he Case chungchang a inpuhna kha chhan mumal nei lo tak a ni a ti a, Court thu tlukna chu a lawmawm hle thu a sawi.

Sudhir Kumar Ojha erawh in Court lam ten Petition file hnawl sak mahse he Case hi bansai zai rel a la tum bik lo hle a, high court ah zualko leh a la tum tih a sawi.

Sushant Singh Rajput thihna hian Bollywood Industry a nghawrnghing nasa viau a, CBI, Enforcement Directorate (ED) leh Narcotics Control Bureau (NCB) te inrawlh a ngaih phah hial a, he thihna hi CBI te ngei pawn mahni intihlum nge a phen ah thil diklo inphum a awm tih ah thu tawp anla siam fel thei lo.