Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Lim Hmasa Ber Tur Chu Bengal Sculptor In A Peihfel Ta

A thihna khan a fans tam tak te a ti chiai nasa hle a, Bollywood Industry nghawrnghing rum rum in a thih aṭanga tun thlengin boruak a la ziaawm thei lo.

Fans ten an lo duhthusam ṭhin leh an beisei Sushant Singh Rajput lim wax statue chu West Bengal milim ker ṭhin (sculptor) chuan peihfel in museum ah tlawhtu te tan en theihin phochhuahna neih a ni.

He lim (statue) hi Sushant Singh Rajput lim hmasa ber a ni nghal. SSR lim dintu hi Sukanto Roy a ni a, a ni hian West Bengal a Asansol ah Museum a nei.

Sukanto Roy chuan SSR hi a ngaisang hle tih a sawichhuak a. “SSR hi ka ngaina hle a,hun lo taka a boral ta mai hi rilru a na hle. Ka museum ah a lim hi ka din a, Sushant chhungten lim hi an duha min ngen a nih chuanin a dang pawh ka siam leh thei ang” tiin ANI te a hrilh bawk.

Roy hi lim (statue) lo siam/din fo tawh tu a ni a, Sushant bakah hian Bollywood megastar, Amitabh Bachchan leh Indian cricket team captain, Virat Kohli lim (wax statue) te pawh a lo din tawh a ni.

SSR fans te chuan London a Madame Tussauds ah Sushant lim din tur hian an lo ngen tawh a, online petition hial an nei. Mi sang chuang laiin SSR lim din tur hian dilna an thehlut. Fans ṭhenkhat te phei chuan Madame Tussauds’ team te hi direct in email an thawn hial bawk.

IT