Mizo Elite News hi ṭha i tihzawng a nih chuan min lo Follow dawn nia

Sushant Singh Rajput leh Sara Ali Khan te an lo inngaizawng tawh

Case a buai chuar chho nuai nuai a, tawp lam aiin bul a la in ṭan chho zel zawk niin a hriat bawk.

Bollywood lemchan thiam Sushant Singh Rajput thihna kal zel ah Supreme Court in CBI kutah Case a hlan fel tawh a, CBI te hian an theih angin hna an thawkchho nghal.

Thu thar lam ber awm ah Sushant hi Saif Ali Khan fanu neihchhun Sara Ali Khan nen an lo inngaizawng ve tawh ṭhin tih hi a ni. He thu hi Sushant ṭhianpa Samuel Haokip ngeiin a sawi.

Sushant leh Sara Ali Khan te hi ‘Kedarnath’ ah an pahnih in an chang dun a, Sara debut film a ni nghe nghe. Khatih lai khan an inhmangaih in an induh tawn hle a ni tih Sushant ṭhianpa Samuel hian Instagram ah a sawichhuak.

“An pahnih khan an inthlahlel in an in duh em em a, an inkar kha a thianghlim a naupang chhia ang maiin pawi an sawi lo. Pawh ṭhen theih loh hial khawp in an in hmangaihna kha a nasa hman” tiin Samuel hian a sawi.

Hmangaihna kawng an zawh chhoh mek laiin Sara Ali Khan zawk hian Sushant nen an inkar kha a chhu chat hmasa zawk a, Sushant kha “Sonchiriya” ah a chang a Box Office ah a che ṭha zui vak lo leh nghal. Khami hnu lawk khan Sara hian a ṭhen a ti a ni.

Samuel chuan Sara Ali Khan in Sushant nen duh taka an inzui laia an inkar a tih tawp thut chhan ah hian midang inrawlh an awm a ring a, Bollywood mafia te inhnamhnawih niin a puh bawk.

‘Kedarnath’ an chandun vang khan Sushant leh Sara te hi thlir tu aṭang pawh dem an hlawh hrim hrim a, Sushant boral tirh pawh khan Sara nuhrawn Kareena Kapoor in a fanu a thu chah chungchang ah a hming a ri chhuak ve nghe nghe. Mahsela romance an neih thu hi an pahnih hian an sawi lo ve ve. Samuel thusawi hi a dik a nih chuan an inkarah khan hmangaihna chu alo piang ve ngei a ni.

Zeenews