Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Kha Thah Nilovin Mahni Intihlum A Ni

An han chhui chho zel na in a hmawr bawkna leh a tawp ah erawh eng teh ual a ni leh ṭhin lo a, fans te zawhna chhanna hriat duh tak an nei leh hleithei chuang lo.

All India Institute of Medical Sciences (AIIMS) ten Sushant Singh Rajput’s post-mortem leh viscera reports te an enfiah ve leh hnu ah an hmuh dan chu CBI te hnen ah report an pe. Sushant taksa ah khan Organic Poison hmuh a ni lo tih an sawi hnu ah AIIMS te chuan a thihna chungchanga tûr leh reh hlum a thah a ni tia an sawi chu an nuai bo ta hmak a, thah nilo a mahni intihlum ngei a thi a nih thu an puang.

AIIMS Forensic Medical Board a Chairman ber Dr Sudhir Gupta chuan thah a nihna tura han rinhlelhna awm chi a thuamhnaw ah emaw a taksa hmun dang ah engmah a awm lo a, a inkhaina bak tih loh chu Sushant taksa ah khan hliam dang hmuh a nilo a ti. Chuvang in thah nilovin intihlum (suicide) ngei a ni e tiin a hrilh.

Murder theory hi AIIMS Forensic team ten paih chhuak mahse CBI hian Bihar Police a Original charge awm tawh sa ‘abetment to suicide’ angle in an la chhui zawm reng dawn tho.

A ruang endik tu Cooper Hospital lam te pawh in a thih chhan hi suicide a ni tih an sawi a, mahsela thah ni ngei rinna tur ang chi theory a rawn irhchhuak. Sushant Singh Rajput chhungkaw lawyer, Vikas Singh chuan AIIMS doctor in Sushant nghawng a hliam hmuh kha reh hlumna ngei a ni tih a hnenah a hrilh angin press conference neihna ah a sawichhuak tawh bawk.

CBI te hian ni 57 zen zawn Case hi an chhui tawh a, fans te duh leh beisei ang chhanna an la hmuchhuak hleithei lo. Hetiang a nih chhoh zel chuan Case pawh hi a hmawr an bawk fel har lutuk tawh lo ang tih a rinawm.

ANI & India Today