Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Kha Mahni Intihlum Ngei A Ni

Sushant Singh Rajput thihna hian India ram pum a tuam hneh hle a, a boralna hian nghawng pawh a nei thui hle.

Fans tam tak ten rorelna dik phut in an au chhuak chuah chuah a Bollywood ah nepotism tih ṭawngkam a lansarh phah viau bawk a ni.

Sushant Rajput thih chhan hi mitam tak hriat chak ber a ni a, suicide phenah hian midang an inrawlh rinna a lian hle mahse Final Postmortem report a chhuah chuan a fans tam tak an la lungawi thei chuang lo.

Postmortem result chhuak Mumbai Police lam in an dawn ah chuan Sushant thih chhan hi a tira tarlan ang tho in a inkhaina lama boruak kham khawp hmuh loh asphyxia vang a ni a, “a thih chhan ah hian midang inrawlh tu mah an awm lo a, Sushant taksa ah hian midang khawihna leh hliamna hnu hma pakhat mah a awm lo a hmuh a nilo” tih a ni.

Sushant thih chhan chu mahni intihlum suicide ngeiin a kal ta. A tirah Doctor 3 ten pe in final report ah chuan Doctor 5 laiin an endik hnu ah report hi an puang ta a ni. A ex-manager, Disha Salian nena an thihna chungchang sawizawm awm pawh belhchian dawllo mai ani a engmah an pahnih thihna hi inzawmna a awmlo, rindan mai mai an ti bawk.

Sushant thihna ah hian mi 23 lai thu zawhfiah an ni a, amah avangin a fans te zingah intihlum an awm leh zel bawk. Final Posmortem chungchangah hian a fans te lung erawh ala dam thei meuh lo a pawm harsa anla ti hle.

India Today & Hindustan Times