Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Film Hnuhnung Ber “Dil Bechara” Release Tur Hun Tichiang Ta

June 14 a boral Bollywood Star, Sushant Singh Rajput Film hnuhnung ber Release hma bak mek chu a chhuah hun tur tihchian a ni ta.

Sushant Film lama a inlan tawp berna ni ta “Dil Bechara” chu July 24 lo awm turah khian Disney Plus Hotstar ah release a ni dawn a, Stream theih in a awm ang.

He Film ah hian Sushant Singh Rajput bakah Sanjana Sanghi leh Saif Ali Khan te an chang bawk a, director hi Mukesh Chhabra a ni.

A Film kalphung tur chu John Green’s 2012 novel ‘The Fault in Our Stars’ base a ni dawn. An tum dan tak chuan May 8 khan release tur a ni a, mahsela hripui Coronavirus vangin Postpone a ni a postpone hnu reilo ah Sushant a thihna in a nangching zui leh bawk.

Film lama a changtu ber ni ve bawk Sanjana chuan “Dil Bechara” chu Disney Plus Hotstar subcriber te bakah non-subscribers tan pawh en theih anih tur thu a sawi.

Hetih lai hian Twitter ah erawh Sushant film hnuhnung release tur hian fans tam tak a tih lungawiloh phah nghal phat a, a chhan pawh OTT a release a nih dawn vang a ni. Fans lam chuan Sushant tan he film hi a hnuhnung ber a ni tawh a, amah ngaihhlutna lantir ve nan Big Screen ah hmuh an duh a, theatre lamah release an phut tlat.

Eng pawh chu nise “Dil Bechara” Film hian rilru ah beiseina a ti sang hle.