Mizo Elite News hi ṭha i tihzawng a nih chuan min lo Follow dawn nia

Sushant Singh Rajput chungchang ah a College ṭhian a ṭawngchhuak

Bollywood in ziaawm lam a la pan thei meuh lo. Bollywood star, Sushant Rajput boralna chuan chanchin ngaihnawm a la nei chho tluang zel.

India Today Tv ah Sushant laina hnai dang pakhat a College ṭhian Varun Behel chuan Interview a nei ve leh ta a, Varun chuan interview a neihna ah chuan Sushant nen ṭhian nia an inkawm chhoh dan vel thil tam tak a sawi. Sushant thihna ah hian tunhma a awm dan a lo hmuh leh thlir dan aṭang in Sushant hian Bipolar Disorder a vei a ringloh thu a sawichhuak.

Varun Behel hi America a Environment Data Scientist a ni. Tunhma in Sushant Rajput nen hian an lo inkawm tlangnel hle a ni awm e.

Sushant a thih khan a therapist, Susan Walker chuan bipolar tiin depression nasa tak a nei a ti. Therapist statement erawh Varun hian a ṭawmpui lo. “A ni ang mi ngainatawm leh duhawm tak kha rilru lam natna/damlohna nei a nih ka ring thei lo” tiin a sawi a ni.

Sushant nen hian 2004 khan College ah an intawng a, “Sushant hi room ah amahin a lam a, college a a roommate ka ni. Ṭhianṭha tak niin kan inpawh hle a trip neiin Manali ah te kan kal dun” tiin a hrilh.

A suangtuahna ti hlawhtling turin a tum ruh em em a, lam (dance) a tui hle bawk. Shiamak’s [Davar] classes zawm in atan hun remchang pawh alo inhawng ṭha hle ṭhin nghe nghe.

Sushant film “Chhichhore” chungchang a sawi chuan Varun chuan Film ṭha tak a ni a, College an luh ho laiin tiangin acting a tih pawh a hre ngai lo. Vawikhat chauh tal pawh hmuh leh duh viau mahsela engtik ah mah a hmu leh ngai tawh dawn silo. Sushant hian star lar a nih hun ah chuan reality show kaltlangin a college zinkawng tarlan leh phochhuah a duh thu alo sawi thin tih a sawitel.

IndiaToday