Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Chhungkua In Thuchhuah Siam Dawn

Boruak ala reh fel lo a, dikna langchhuak tura beihna chu kalpui mek zel a la ni. Chhungte leh fans te duh ang tak erawh in thil a thleng thei rih lo.

Agencies ten thudik hailan tum in theihtawp an chhuah. Prime Minister Narendra Modi hnen thlen hial a ni. SSR thihna chungchang ah a chhungte chuan thil fello a awm niin an ngai tlat.

AIIMS te chuan hemi chungchang hi an enfiah leh hnu ah pawh SSR kha mahni intihlum ngei a ni tih an puang a,Dr Sudhir Gupta pawn a sawichiang viau. SSR thuamhnaw ah engmah ṭet/thler a awm lo a ti a, a inkhaina a a hliam bak kha a taksa dang ah thil dang hmuh a nih loh thu a sawi.

Dr Sudhir Gupta chungah SSR chhungte an lungawi lo a, thu tawp siam ngawt turin finfiahna an nei tawk lo an ti. Forensic panel thar an ngiat zui nghal.

Fans tam tak in an support thu an auchhuahpui. SSR thihna ah hian a chhungte chuan announcement an siam ve leh dawn a,engthil chiah nge an rawn puanchhuah ve leh ang.

Sushant Singh Rajput ṭhian Nilotpal Mrinal chuan SSR chhungten October 21 ah thu puanchhuah tur an nei dawn tih a rawn sawi.

Nilotpal Mrinal hian fans te chu lo ngaichang ṭheuh turin a hrilh a,CBI lam nen inzawnna erawh a nih hmel loh. Statement hi an chhungkaw lawyer Vikas Singh, a unaunu Shweta Singh Kirti leh Twitter account dang aṭang in tarlan a ni ang.

Republicworld