Mizo Elite News hi ṭha i tihzawng a nih chuan min lo Follow dawn nia

Sushant Singh Rajput An Sara Ali Khan Kha Propose A Tum Tih A Farmhouse Manager In A Sawi

Sushant Singh Rajput hi a thih hma khan ‘Kedarnath’ a a chanpui Saif Ali Khan fanu Sara Ali Khan nen an in date ṭhin tih tunhnai khan nasa takin thu a thang chiam. A ṭhiante ho pawh in Sara nen an inkawp tih hi an sawi. Sushant Farmhouse Manager, Raees pawh a ṭawngchhuak ve leh a, Sushant khan Sara hi 2019 January thla ah Propose a tum thu a sawi.

Raees hi Lonavala a Sushant farmhouse enkawl tu a ni a September 2018 aṭanga kumin July thleng kha a enkawl. IANS hnen ah chuan Sushant an propose a ruahman hi inneihna tur in a ni em tih erawh a sawi dawt ngam lo. Sara hian 2018 aṭang khan regular deuh in farmhouse hi a tlawh a,mahsela January 2019 hnu ah chuan farmhouse ah hian a kal tawh ngai lo a ti.

“2018 aṭang Sara Ali hi Sushant sir nen farmhouse ah hian an kal ṭhin. An lo kal chuan ni 3-4 te hun hmang in an awm. December 2018 a Thailand trip an neih zawh hnu khan Sushant sir leh Sara ma’am te hi Airport aṭang farmhouse hi an rawn pan nghal a,zan dar 10 – 11 vel ah an lo thleng. An ṭhian dangte pawh in an zui bawk” tiin Raees hian IANS te a lo hrilh.

Sara Ali Khan chu nungchang ṭha tak leh simple tak a ni a, Sushant staff te tan a zahawm in a nelawm hle tih a sawi. Sushant an propose a tum hun hi a birthday lai vel January 21, 2019 kha a ni a, Daman Trip an neihna turah a ni. Gift pek pawh a tum a, mahsela trip hi neih a nih leh tak loh thu a sawi. Amaherawh chu Sushant propose na hi wedding proposal a nih leh nih loh chu a chiang bik lo. A chhan chu Sushant ṭhiante pahnih thusawi leh titi aṭanga hria a ni.

Trip an neih leh tak loh hnu ah February leh March thla vel ah Sushant leh Sara te inṭhen thu a hria a, khata ṭang khan Farmhouse ah a hmel reng reng a inlan tak loh thu a sawi.

Tin, Raees hian a sawizelna ah chuan Sushant kha lockdown ṭan hma March thla khan farmhouse hi tlawh a tum a, thla 2 emaw thla 3 chhung lai awm a tum. Mahsela a ṭhulh leh a, farm ah hian a kal leh ta lo a ti bawk.

Sushant thihna hi Raees pawh hian a tuar tak zet a. Mi fel leh ngilnei tak, a staff te pawh a hnathawk nilova chhungkua ang maia en ṭhin tu a ni tih a sawi a, a awm ta lo chu tun thlenga rin harsa a nih thu hnukulh teuh chungin a lo sawi.

TOI