Mizo Elite News hi ṭha i tihzawng a nih chuan min lo Follow dawn nia

Sushant Rajput Film Hnuhnung “Dil Bechara” Trailer A Hlawhtling, “Avengers” A Rawn Khum Nghal Der

Sushant Singh Rajput hi mitam tak in thinlung takin an lo ui hle a ni tih chu a Film hnuhnung ber aṭang hian a rawn langchhuak chho zel e.

June 14 a boral Bollywood Star, Sushant Singh Rajput Film channa hnuhnung ber tihchhuah hmabaka awm mek “Dil Bechara” Trailer chu release a ni ta a, rinphak bakin a hlawhtling hle bawk.

July 6 (Thawhṭanni) tlai lam 4:00 pm khan “Dil Bachera” Official Trailer hi en theih in Youtube ah dahchhuah a ni a darkar 24 chhungin 5 Million chuang teh meuh Like a dawng hman tawh.

“Dil Bechara” Trailer hian Hollywood blockbuster challang zual “Avengers: Endgame” leh “Avengers: Infinity War” trailer te Like hmuh tam ah a rawn khum nghal zat a. “Avengers” trailer te hian tun thlengin 3.6 Million leh 2.9 Million chauh Like ala hmu.

He thu buatsaih lai mek hian Trailer hian 29 Million chuang thlir tu nei tawh in 5.9 Million Like a a ni tawh. Youtube ah top trend a ni chho mek

“Dil Bechara” ah hian Sushant Singh Rajput bakah Sanjana Sanghi chu a changtu ber a ni dawn bawk a, a film kalphung tur chu 2014 blockbuster, “The Fault in our Stars” en tawh te chuan kan hre theuh ang.

July.24 khian Disney+Hotstar lam in a film hi an tichhuak dawn a Stream theih in a awm ang. Sushant fans te tan chuan he Film hi a hlu tak zet zet a ni. Trailer ringawt pawh ti khawp hian a hlawhtling tawh a, a film pawh hian mitam tak ah beiseina a tisang hle a ni.

IndiaToday