Mizo Elite News hi ṭha i tihzawng a nih chuan min lo Follow dawn nia

Sushant Rajput boralna ah CBI Enquiry pawm a ni ta, dikna in ro a rel dawn em?

Thudik chu hailan in a awm thei dawn em. Buaina hrang hrang a inkap chho nasa hle tawh a, thil tam tak sawi a tam tawh a, a buai chho nuai nuai.

Bihar Government in Bollywood star, Sushant Singh Rajput thihna chungchangah Central Bureau of Investigation (CBI) enquiry a ngiat.

Bihar Government in Sushant thihna a CBI te chhui tura an phut hi Centre in a pawm sak ta a, Nilaini khan Supreme Court chuan a rawn puangchhuak a ni.

Pawisa tih chingpen te leh suicide tura nawr liam tu a puh a bialnu Rhea Chakraborty leh midang te lakah Sushant pa KK Singh chuan Patna ah Section hrang hrang hmanga thubuai siam sakin FIR a register. Rhea Chakraborty hian Mumbai ah Case hi transfer a dil ve thung a, hei vang hian Mumbai Police te zingah Rhea Chakraborty lam ṭang a rukin an awm tih thu thang a tam nasa bawk.

Sushant pa ai awh a ding lawyer Vikas Singh chuan Maharashtra Police te hian he case a finfiahna (evidence) awm te chu tichhia leh thup bo tlatah a puh.

June 14 daih tawh khan Bandra a a chenna ah Sushant hi thi a hmuh a ni a, a thih aṭang thla khat chuang teh meuh mai a vei tawh chungin vawiin thleng hian thawm ala reh thei lo. Thudik hailan a niha rorelna dik thleng ngei turin an beisei tlat a ni.

TN