Mizo Elite News hi ṭha i tihzawng a nih chuan min lo Follow dawn nia

Sushant Singh Rajput Thihna Chungchang Kal Zelah CBI Ten US Authorities Atang Puihna Beisei

Bollywood star boral ta Sushant Singh Rajput thih dan chungchang chhuina chu hmawr bawk theih a la ni lo a, tun thleng in theih ang tawk a chhui hna hi kalpui chhunzawm reng a la ni.

Central Bureau of Investigation (CBI) te chuan Sushant Singh Rajput thihna chhuina kawngah United States authorities atang tanpuina dilin emails leh a social media post delete tawh te chu haichhuah leh an in beisei.

Source in India Today a hrilh danin chhui hna thawk tu investigators te chuan US authorities atang chhan na an hmuh thuai an beisei tih an sawi. CBI lam hian MLAT (Mutual Legal Assistance Treaty) hmangin US lamah hian he Case a puihna hi an dil a, Sushant nena inzawmna leh inkaihhnawih thil te chu chin chhuah vek tum in social media account dang emaw email dang te a neih leh neih loh bakah Google leh Facebook headquarter thlengin data recover nan thu an thlen. Case hi chinfel ngei an tum tih an sawi.

June 14, 2020 ah Sushant Singh Rajput hi Mumbai a a chenna apartment ah in awkhlum a hmuh a ni a, AIIMS a forensic team ten ruang an endik hnu in mahni intihlum ngei a nih thu an puang zar.

Sushant Singh Rajput chhungte erawh in an fapa thihna ah hian nawrluihna vanga boral niin thubuai an thehlut a, CBI ten Sushant Singh Rajput roommate, a hnathawk leh a bialnu nia sawi Rhea Chakraborty leh a chhungte chu thu zawhfiah atan koh an ni.