Mizo Elite News hi ṭha i tihzawng a nih chuan min lo Follow dawn nia

Supermodel Heidi Klum Chuan 2003 VS Fashion Show A Thil Thleng Sawiin Fans Te Mak Tih A Hlawh

Heidi Klum hi Supermodel zing ah pawh duailo ber pawl a ni a, nu a nih hnu thleng pawh in a la chhe lo in ala nalh em em zel tho a ni.

Thawhlehni khan a fans te hma ah Heidi Klum hian tunhma a ala sawichhuah ngai loh thil sawiin mak tih pawh a hlawh ang reng hle.

Kum 2003 a Victoria’s Secret Fashion Show neih tuma a runway khan a ruak reng reng lo a, nau a pai lai rengin a catwalk a ni. A fanu Leni kum 17 birthday ah he thu hi a sawi a, “catwalk ka neih khan ka mal reng reng lo a ni” a ti.

VS Fashion Show a runway lai khan Leni hi thla 4 upa a pai lai a nia, heti chung hian he Supermodel kum 47 hian lingerie brand’s $11 million “Very Sexy” Fantasy Bra inbel chungin a lo Runway a ni.

Leni Klum hi May, 2004 khan a piang a, a pa hi Italian businessman Flavio Briatore a ni. Mahse Leni pa nen hian an inthen nghal. A hnu ah Seal nen an innei leh a, Klum hian a fanu Leni hi chhawm in Seal hian a fanu angin a enkawlpui a, fapa 2 leh fanu 1 an nei hman bawk. Amaherawh chu Seal nen pawh an inkar rem thei lovin 2014 ah an inthen.

Tunah hian Tokio Hotel rocker Tom Kaulitz nen an innei mek a ni. Heidi Klum hi 1999 daih tawh khan German model zinga hmasa ber atan Victoria’s Secret Angel ah thlan a nia, kum 13 lai hna alo thawk.

A fanu Leni pawh in a nu hnung hi rawn zui ve zel in Modeling khawvelah a mikhual tawh lo. Nikum mai pawh khan Vogue Germany ah a nu nen hian an inlan dun a ni.