Mizo Elite News hi ṭha i tihzawng a nih chuan min lo Follow dawn nia

Steve Harvey a’n Stage a Miss Universe Harnaaz Sandhu zawhna a pek mak tak chuan sawisel a hlawh

Pathianni zana Israel khawpui a Beauty Pageant thlanna sang ber Miss Universe thlanna neih a Host ber Steve Harvey an Stage a Miss Universe winner ni ta Miss India Harnaaz Sandhu hnena zawhna mak tak leh thil tih tur a pek chuan sawisel a hlawh nasa khawp mai.

Miss Universe thlanna hi Live a pekchhuah a ni a, khawvel maktaduai chuang in TV ah an thlir thup. Chutih kara Harvey an Miss Universe Harnaaz Sandhu alo tihdan hian mipui te a barakhaih hle ani.

Harvey chuan contestant dang ten hlawhtlinna leh thil dang an sawichhuah ang lo takin Miss India, Sandhu chu nungcha nunzia zir turin a lo ti pek a, hetiang lam hi a thiam nal hle a ni tih alo hriat thu a sawi bawk.

Harnaaz Sandhu pawh Harvey thusawi vang hian a phawk chiang hle a ni, world stage ah hetiang ti tur hian a in beisei lo tih Sandhu chuan a sawi hial. Mahsela Harvey an ti tura a hrilh chu hnial lovin khawvel mipui maktaduai chuang thlirtu te hma ah chuan zawhte miau dan in a miau ta a ni.

Online ah Steve Harvey hi an sawisel luai luai a, Beauty pageant a hetiang thil thing lutuk in tih tir hi a tul ber lo. Harvey hian Sandhu hi thil tih loh tawp tur khawvel hma ah a tih tir a ni an tihsak.

Mitam takin in hun hmasa Miss Universe thlanna a Steve Harvey chetchhiatna te chu an sawichhuak thar leh. Miss Universe hian Harvey lo hi Host tur an hmu zo lo em ni an ti hial tawh.

2015 a Miss Universe thlan a nih khan Steve Harvey hi alo mualpho chhe hle tawh a. First runner up Miss Colombia chu Miss Universe atan a hming a puangsual a, Miss Colombia hi Crown khum tir a niha pangpar hlanfel vek hnu ah Harvey hian thlirtu te hnen ah ngaihdam dilin Miss Philippines chu hnehna changtu zawk a ni tih a puang tha a Miss Colombia lu a Crown chu lakthlak sak leh ani. Kumin ah pawh khan Miss Paraguay ai ah Miss Portugal zawk lawmpuina a lo hlan leh pek.

2015 a thil thleng hi Miss Universe sawi a piang a theihnghilh tawh loh tur a ni a, Miss Colombia hian a hnu a Interview a neih ah kha thil thleng kha inhmuhsitna nen alo tehkhin hial ani.