Mizo Elite News hi ṭha i tihzawng a nih chuan min lo Follow dawn nia

Stage a Mrs Sri Lanka Crown chhuhsaktu Mrs World chu a chetdan mawi lo tak vangin man hial a tawh phah

Pathianni kalta khan Nelum Pokuna Mahinda Rajapaksa Theatre, Colombo ah Mrs Sri Lanka thlanna neih a ni a,kum 31 a upa Pushpika De Silva chu hnehna changtu ah puangin 2020/2021 atan Crown khum tir a ni.

He Miss thlanna hi national TV chuan broadcast in Ceremony hi a pe chhuak a, mahsela Miss thlanna ah hian theihnghilh tawh loh tur leh sawi zui hat khawp thilmak tak a thleng.

Pushpika De Silva hi Stage a Crown khum tir a nih lai chuan a Miss pui vek 2019 a Crown lo khum tawh leh tuna Mrs World ni bawk Caroline Jurie, 28 chuan buaina a siam a, Pushpika De Silva hian Winner nihhi a phu lo tiin a Crown khum lai chu a lakthlak sak hmiah.

Caroline Jurie hian Pushpika De Silva chu pasal then tawh ah puhin he title hi chelh thei a ni lo tih tanchhan ah a rawn hmang a,a ma thu in Crown chu runner up zawk a khum tir ta daih a ni. mahsela an chhuichian hnu ah Pushpika De Silva hian pasal a then lo hrim hrim tih an hrechhuak.

Event organisers ten thuchiang an hriat hnu ah Crown hi Ms De Silva hnen ah an pe kir leh bawk. Caroline Jurie in a lu atanga a lallukhum a lakthlakna lamah De Silva hian hliam a tuar phah hial tih hriat a ni.

He thil thleng ah hian Police an inrawlh phah. Jurie leh Stage a buaina a inhnamhnawih ve Model dang an man a, Jurie hi a hnu ah Bail in an chhuah leh. Ningani khan lawyer nen police station an chhuahsan lai hmuh a ni. Buaina erawh chuti maiin chinfel theih a ni lo thung.