Mizo Elite News hi ṭha i tihzawng a nih chuan min lo Follow dawn nia

‘Squid Game’ Actor O Yeong-su chuan Golden Globe ah Record a siam

Netflix drama hit zet ‘Squid Game’ changtu zinga mi O Yeong-su chuan Golden Globe Awards semchhuah takah mellung pawimawh tak phunin Record a siam.

Pathianni zan a Beverly Hills, California a Film leh TV lama che tha zual te chawimawina Golden Globe ah kum 77 a upa O Yeong-su hian ‘Squid Game’ hmangin Best Supporting Actor in Television a dawng a, Korean Actor zinga Golden Globe award dawng hmasa ber leh awmchhun a ni ta ani.

‘Squid Game’ ah Player 001 in Oh II-nam angin a chang a, he Drama Series a chan vang hian nasa taka lar phah in hriat a hlawh zui hle bawk.

Awards a dawnna category ‘Best Supporting Actor in Television’ a a elpui te pawh an hraw tlang hlawm viau a, Billy Crudup (The Morning Show), Kieran Culkin (Succession), Mark Duplass (The Morning Show) leh Brett Goldstein (Ted Lasso) te niin, an zingah hian O Yeong-su hi a buk a rit ta ber.

O Yeong-su ngei pawh hian ‘Squid Game’ release atang khan a nun chu thlak danglam a a awm thu a sawi ve hial a, calls leh messages thahnem tak a dawn thin thu a sawichhuak ve hial. September a Release a nih hnu ah ram hrang hrang 94 laiah Netflix series en hlawh ber a ni nghal.

Kumin Golden Globes ah hian ‘Squid Game’ hi Best Television Drama Series ah Nomination a hmu a, show’s lead actor Lee Jung-Jae chu Best Actor in a Television Drama Series ah nomination a hmu ve bawk ani.