Mizo Elite News hi ṭha i tihzawng a nih chuan min lo Follow dawn nia

‘Spider-Man’ Actor 3 te hian engzat nge an hlawh?

Spider-Man 3 (2007) Tobey Maguire The Amazing Spider-Man (2012) Andrew Garfield as Spider-Man / Peter Parker Tom Holland is Spider-Man in Columbia Pictures' SPIDER-MAN: ™ FAR FROM HOME. CR: Merie W. Wallace/Columbia; Jaimie Trueblood/Columbia/Sony; Jay Maidment/Sony

Hollywood Film Industry ah Superhero ten hmun an luah thuk zia chu sawi ngai lovin hriat sa a ni. Superhero film hrang hrang chhawpchhuah tawh zingah Spider-Man hian hman atang tawh in ngaihven a hlawh a, tun thleng in a larna pawh ala nep phah lo.

He franchise hit zet ah hian Actor pathum lai an lo awm tawh a, ‘Spider-Man’ changtu Tom Holland, Tobey Maguire leh Andrew Garfield te hi an mahni tawkah an Role theuh an hnehsawh em em bawk.

Tom Holland, Tobey Maguire leh Andrew Garfield te hian ‘Spiderman’ franchise atang hian engzat chiah nge sum an lakluh tih hi tam tak hriatchak a ni. Kum 2002 ah Spiderman hmasa ber turin “Spider-Man 1,” chu tihchhuah a ni a, Tobey Maguire chu Peter Parker angin a rawn chang hmasa ber.

SPIDER-MAN 2, Tobey Maguire, 2004, (c) Columbia/courtesy Everett Collection

“Spider-Man 1,” atang a Tobey Maguire hlawh zat hi $4 million vel anga chhut ani. Box office ah $820 million a thawkchhuak a, sum thawkchhuak hnem ber zingah a lang. Heta tang hian Tobey career pawh a invawrh dawr a, 2004 khan a chhunzawmna “Spider-Man 2,” chu release leh a ni. Tobey hian a chhunzawmna ah hian a hlawh hmasa let thawk a lalut a, $17.5 million bawr a hlawhchhuak. Hei mai bakah box office a a sum thawhchhuah atang 5% a chang bawk.

Tobey Maguire attends the premiere of “Pawn Sacrifice” on day 8 of the Toronto International Film Festival at the Roy Thompson Hall on Thursday Sept. 11, 2014, in Toronto. (Photo by Chris Pizzello/Invision/AP)

“Spider-Man 2,” hian Box Office ah $784 million a thawkchhuak. 2007 a “Spider-Man 3,” release a nih khan Tobey hian $15 million a hlawh tawp a, box office a lakluh atang 7.5% a chang. 2000 chho a Actor sum lalut hnem zingah a tel hial a. Spider-Man 3 hi Tobey Maguire tan Spiderman a inlanna hnuhnung ber a ni zuita nghal ani.

2012 a herchhuah chuan Columbia Pictures leh Marvel ten Spiderman film 4 na turin ‘The Amazing Spider-Man’ chu an chhawpchhuak a, Spiderman in hmel thar hmu in Andrew Garfield chu Peter Parker angin a rawn inlan ve ta thung.

Andrew Garfield channa hmasa ber “The Amazing Spider-Man” atang a Garfield sum lakluh zat hi $500,000 vel anga chhut ani. 2014 ah a chhunzawmna “The Amazing Spider-Man 2,” atang $1 million a lalut. 2012 a “The Amazing Spider-Man” khan Box Office ah $757.9 million a thawkchhuak a, 2014 a “The Amazing Spider-Man 2,” khan khawvel pumah $709 million a lulut thung. Sequel hi awm leh tur anga sawi ni mahse Garfield hmel erawh hmuh zui tur a awm ta lo.

Spiderman Actor 3 na turin 2016 khan Marvel Cinematic Universe ah Tom Holland hmel hmuh tan ani. Tom Holland hi Spiderman anga a channa hmasa berah a Film chhunzawmna pangngai ang in a nilo thung. 2016 movie ‘Captain America: Civil War’ ah a inlan. Heta tanga Tom Holland hlawh hmasa ber hi $250,000 vel anga tarlan a ni.

2017 ah a Film pangngai in a rawn inlan zui nghal a, ‘Spider-Man: Homecoming’ atang hian $500,000 a hlawh. Tin, hei bakah Box Office a lakluh a chhawr hle a $1.5 million a hlawh tling. 2019 ah ‘Spider-Man: Far From Home’ a a inlan leh khan ‘Homecoming’ ai a hlawh a sang ta dawr a, $4 – $5 million inkar vel lalut anga sawi a ni. A chhan pawh ‘Far From Home’ hian Box office ah $1 Billion lai sum a lalut tling tlat.

Kum in a release ‘Spider-Man: No Way Home’ atang a Tom Holland hlawh zat tur hi chiang fak erawhin sawi ala nilo. ‘No Way Home’ hian Box Office ah $1 Billion a lalut tling leh der tawh a, Holland hlawh pawh a chhe lutuk lo ang.

Spiderman Film tihchhuah tawh ah Forbes in a tarlan danin “Spider-Man: Far From Home,” leh “Spider-Man: No Way Home.” te hi sum thawkchhuak hnem ber an la ni.