Mizo Elite News hi ṭha i tihzawng a nih chuan min lo Follow dawn nia

Spain A Cheng Khawvela Covid19 Lak Aṭanga Damchhuak Upa Ber

Spain rama kum upa bera chhal Maria Branyas chu khawvela Covid19 hri lak aṭang damchhuak upa bera puan a ni.

Maria Branyas hi kum 113 a upa a ni tawh a,fa 3 neiin tu 11 leh tu chhuan 13 lai a lo nei tawh bawk. Olot, eastern Spain a Santa Maria del Tura care home ah chengin Covid19 hri a kai hnu hian a damchhuak leh.

Branyas hi kum 1907 March 4 khan San Fransisco ah a piang. World War I (1914 – 1918), World War II (1939 – 1945), Spanish civil war 1936 – 1939 leh Spanish flu pandemic te pawh lo paltlang vek tawh tu a ni.

Gerontology Research Group chuan Spain a kum upa ber a nih thu hi a puang tawh. Nursing home a cheng dang mi 7 te chu an boral a, April thla khan Branyas hian hri hi a lo vei a, a room ah inkhunghranna a nei zui ta nghal.

Spain ah hian engtik khan nge hri hi a luh tih a hriat loh thu a sawi a, tunah chuan a ṭha tawh a, Care home staff te chungah an buaipuina vangin lawmthu a sawi.

DM