South Korea rama lemchanthiam (Actress) Oh In-hye chu September 14 Thawhṭanni khan a chenna Incheon City, South Korea ah nikhawhrelo a hmuh a ni.
Incheon Yeonsu Police leh Songdo Fire Department te tarlan danin kum 36 a upa Oh In hye hian cardiac arrest tuar in a thihpui ta niin an sawi a, hmuh a nih hun hi dar 5am bawr vel khan a ni.
Hospital lam panpui a nih hma hian cardiopulmonary resuscitation (CPR) te pek niin a thawk te a han pangngai leh deuh a mahsela harhchhuak zo thei chuanglo in a boral zui ta a ni.
Police te chuan case hi chhui in mahni intihhlumna suicide angle in an thlithlai nghal bawk. Memorial Service hi Incheon a Inha University Hospital ah neiin vuina hun funeral ceremony hi September 16 ah neih tur a ni ang.
Oh In Hye hi kum 2011 a tihchhuah ‘Sin of the Family’ ah changin a acting debut a ni nghal a. No Breathing (2013), The Plan (2014), Secret Travel (2013), Eating, Talking, Faucking (2013) te bakah drama series, Horse Doctor leh television movies, Drama Special: The Return: Jwibulnori ah te a che ṭha hle bawk.
September 12 khan a fans te chu weeknd hlim tak hmang tura tiin hei hi a Instagram post hnuhnung ber a ni. Hemi ni vek hian youtube lam ah skin-care tutorial video a post nghe nghe. A thih thu hian fans te a ṭhawng viau hlawm a, an ui zia an tarlang nghal sup sup a ni.
WION