Mizo Elite News hi ṭha i tihzawng a nih chuan min lo Follow dawn nia

South Korea Actress Song Yoo Jung A Awm Ta Lo

South Korean Actress, Song Yoo Jung (aka Song Yu Jung) chu January 23 khan a boral tih E-Daily Star, via Soompi chuan a tarlang a, a boral hian kum 26 chauh a upa a ni.

A boral thu hi a agency Sublime Artist Agency chuan thudik ngei a nih thu a tarlang a, “Song Yu Jung chuan January 23 khan min boral san” tiin an rawn nemnghet.

A vuina hun hi vawiin January 25 an ram sana a 1:30 p.m. KST khan Gangnam branch of the Seoul Medical Center ah hman a ni a, a thih chhan chiang tak hi hriat leh puanzar nilo mahse mahni intihhlum (suicide) rin zuina a lian leh hle.

Song Yoo Jung hian acting lama a career a tan tak tak hma in cosmetics brand tan model ah alo tang tawh thin. 2013 khan MBC’s Golden Rainbow ah inlan in hemi hnu ah Make Your Wish, School 2017 leh Dear My Name ah te a inlan leh bawk.

Small Screen role mai bakah hian Music Video lamah iKON‘s Goodbye Road, Standing Egg’s Friend to Lover leh NIve’s How Do I ah te a hmel hmuh a ni tel. 2019 khan Sublime Artist Agency ah a inziak a, acting lamah hmalam a pan chhoh mek laiin mual a liam ta a ni.

South Korea ah hian Entertainment huangchhung ah milar thi a chhar an ni fo thin a, hetia star te mahni intihlum leh thi a hmuh an ni thin hian khawvel ngaihven pawh a hlawh phah hial reng bawk.