Mizo Elite News hi ṭha i tihzawng a nih chuan min lo Follow dawn nia

South African Pastor In Vawih Hmangin Tihdam Rawngbawlna A Nei

Vawih han tih ringawt hian thil tawp leh nuihzatthlak lam tak rilru ah a lang nghal lo thei thin lo a, amaherawhchu vawih a vanga thil danglam mak tak thleng hriattur a awm ta tlat mai.

South Africa ram a Limpopo a mi Pastor pakhat chuan a vawih (fart) hmang a thil mak thlen tirin tihdam rawngbawlna a nei a, a vawih hian thlarau leh taksa lama harsatna tawk mite ah damna a thlen niin a lo chhal.

He Pastor hian a sawidan chuan a kawchhung atanga chhuak gas hi thil tenawm a nilo a, Pathian hnathawhna leh thiltihtheihna lantir tu a ni e a tiin Cape Town etc ah a hrilh a ni. Amah ringa pan tu te chu an harsatna tawh laia te thutin a vawihkhum a, midang vawihkhum a tihdam rawngbawlna a neih lai thlalak pawh a darh nasa hle. Mahsela thlalak te hi official church Facebook page: SevenFold Holy Spirit Ministries atang a hnu ah delete a ni.

A vawih an hip luh khan an taksa chhung fanin chu chuan hna a thawk zel a, midang pawn an lo dampui a ni awm e. Hetia a vawih hnu hian a hnu ah engmah rimchhia te hriatna pawh an nei tawh chuang lo.

A thlalak an post darh hnu ah sawiselna a tawk a, Pathian hminga tihdam rawngbawlna danglam tak a nei chu sakhua hmaikawr atan hmanga a nih thu an sawi a. Amaherawhchu sawiseltu te hnen ah “mite ka vawih khum nilovin ka tidam zawk a ni” a ti.

Eng emaw tak amah ah thawk chu a awm a ni ve ngei ang a, mahsela a tihdamna thilpek dawn hi mak chungchuang tak zawng a ni ve thawkhat deuh a ni.