Mizo Elite News hi ṭha i tihzawng a nih chuan min lo Follow dawn nia

South African Hmeichhia In Vawikhatah Naute 10 A Nei, Record Thar A Siam

South Africa a mi nu pakhat kum 37 a upa Gosiame Thamara Sithole chuan vawikhat ah a rualin naute 10 neiin fa neih tam ah Record thar a rawn siam.

Sithole hian naute te hi June 7 khan Pretoria damdawiin ah neiin Caesarean section in a hring a, mipa 7 leh hmeichhia 3 niin an vai hian an damchhuak vek bawk. Doctor te pawh in he thu hi a dik tih an nemnghet tawh a, tum khata naute neih tam ah Guinness Record-holder a ni dawn tih a sawi theih.

A hma in Mali a mi Halima Cisse chuan record hi a lo siam tawh a,May thla khan Morocco a damdawiin ah naute 9 a hringchhuak tawh a ni.

Sithole leh a pasal Teboho Tsotetsi te chuan fa hi 8 zawk neih an inbeisei mah a, mahse Scan an neih ah naute 2 te hi an lo hmuh hmaih zawk a lo ni.

A pasal Tsotetsi chuan Pretoria News te a hrilh dan in a nupui hian heng a fate hi hmanraw dang engthil mah hmang lovin pangngai vek in a pai a, fertility treatment an tih loh thu a hrilh. Sithole pawhin tualchhung media te hnenah heng a fa 10 meuh a puma a pai lai chu harsa ve thawkhat tak a nih thu a sawi.

Tluang leh tha taka a fa ten khawvel eng an lo hmuh theihna turin Pathian hnen ah tawngtaina nen a thlen tih a sawi tel bawk. Sithole hian phir a lo nei tawh a, tihian a vaiin fa 12 lai a nei ta tihna a nih chu.