Mizo Elite News hi ṭha i tihzawng a nih chuan min lo Follow dawn nia

Sorkar Te Hnenah Lei (Bridge) Dawhsak Tura Vawitam Ngenna An Thlen Hnu Pawha Hlawhtlinna An Hmuh Loh Vangin Khaw Miten An Dawh Chawp

Hei chu a mualpho thlak hle mai. Odisha state a Titilagarh block of Balangir district a thingtlang khaw pakhat Kuturakend a cheng te chuan an khua a Tui luanna lui kawr chu Sorkar thuneitu sang zawk te hnen ah lei (bridge) dawh sak tura an ngenna a hlawhtlin theih loh vangin an mahni in thing leh mau hmangin lei an indawh chawp.

Khua a cheng ten an sawi dan chuan heng tui luan kawr te hi fur ah chakkhai an lamna kawng ah harsatna a siam sak fo thin niin an sawi. Ruahsur nasat phei chuan tui hi 6 feet a sang te a ni thin. Hei vang hian hmun dang pan thei lo in naupang ten School an kal theih loh bakah khaw mite pawn thil tul tak, damlohna thil pawh nise dai kaih theih mai a ni ngai lo.

Government te hnen ah lei (bridge) dawh sak tur hian vawitam ngenna pawh an thlen tawh a, mahsela an ngenna a hlawhtling thei ngai lo. Beisei tur awm lo beisei ve reng ai chuan tiin khaw mipui te chuan thing leh mau hmang in lei (bridge) hi an dawh a ngaih phah a ni.

“Lei siam a nih vat theih nan hian thu min tiam a mahse a tak ram a thleng thei lo. Awlsam tak a ruahsur nasat karah pawh zin veivah a awlsam zawk nan khaw mite chuan beihpui kan thlak ta a ni” tiin khua a cheng Tejraj Bhoi chuan a sawi.

Kuturakend khua hi ramngaw chhah tak a awm a nia, tui luanna kawr hi hmun 3 lai niin kawng pawh a chhe hle bawk a ni. Sub collector te hnen ah hian tum eng emaw zat ngenna an thlen tawh bawk.