Mizo Elite News hi ṭha i tihzawng a nih chuan min lo Follow dawn nia

Sonam Kapoor In Hun Hreawhawm Tak A Hmang Tih A Sawi

Milar fa a ni a, film family aṭanga rawn seilian chho a ni bawk. Sushant Singh Rajput a thih chiah khan milar fa nih vanga induhsakna tih ṭawngkam Bollywood leh a chheh vel ah a lar hle.

Sonam Kapoor pawh hi sawiselna dawng nasa ber te zingah a ṭang a. Anil Kapoor fanu chu ni lo se tun dinhmun hi a thlen bik theih loh tur thu hial te sawilan a ni.

Thawm ri hut hut in ziaawm lam a pan takah chuan Sonam Kapoor pawh a ṭawngchhuak ve ta hlawl. Hun hrehawm leh nuam lo taka a hman thu a rawm sawi.

“Thla 3/4 kal ta kha chu ka tan hun hrehawm ber a ni, rilru lam thlengin ka tawt a, Social Media ah thil tam tak thlengin huatna kha tak tak bakah ṭawngkam na tak tak in mi hual vel. Khami avang khan min tihniam rawk thei hial a, tunah erawh ka ṭha chho zel tawh e” tiin a sawi.

Comment Section a off chhan a sawi chuan amah bakah a chhung ten ṭawngkam dengkhawng tak tak an dawng a, a nu leh pa te chuan heng beihna hrang hrang leh thu kha tak tak te hi hmu ve turin a ngaingam lo a, mental health lam a ngaihpawimawh vangin a nu leh pa te comment section thleng pawh in a off sak ta reng a ni a ti.

IT