Mizo Elite News hi ṭha i tihzawng a nih chuan min lo Follow dawn nia

Social Media Influencer Chuan A Pasal Ṭhen Hnuah A Fahrawn Chu Pasal Atan A Nei

Tunlai khawvel hi chu a leh lam zawng tak ah chuan lemchanna a ni ringawt tawh mai. Thil mak leh dangdai pui pui hian min hual vel a nih ber tawh hi.

Nu leh fapa te inkarah nufa inhmangaihna bak thil piangin a tawp ah nupa ah an insiam a, hei hian mitam tak mak tih pawh a hlawh ang reng hle bawk.

Russia a Krasnodar Krai a mi social media influencer pakhat, Marina Balmasheva (kum 35) hi a pasal kum 45 a upa Alexey nen an innei a. An nupa bakah a fapa te nen kum 10 chuang an cheng ho a, mahsela rei tak an inneih hnu ah Marina leh Alexey te hian inṭhen zai an rel.

Alexey nen an inṭhenfel hnu hian Marina hian pasal thar a tawng a. Mipa thar a tawn tak hi tudang nilovin a pasal fa a fahrawn kum 20 a upa Vladimir ‘Voya’ Shavyrin ngei a ni.

Nufa ni ṭhin kha an inkarah nula leh tlangval inhmangaihna alo piangchhuak. Kumin kum tir lam khan innei an tum zet a amaherawhchu coronavirus pandemic vangin an ruahman tawh sa chu an ti khawtlai leh.

Kar kalta khan registry office ah nupa ah insiam in an innei a, inneih a document an sign lai vel te chu phochhuak in like leh view a hlawh nasa nghal hle nghe nghe.

“registry office a kan tih tur ang te kan tihfel hnuah inneih thuam ang inbel ve in local restaurant ah mikhual ṭhenkhat te nen reception kan hmang” tiin Marina hian a sawi.

Tunah hian naute an pai mek bawka, an chen ho lai aṭangin an lo mu dun tawh a, a pasal hian a nupui hi a fapa nen affair an nei tih hi a hriatchhuah thu alo sawi. Khawpui lian lama insawn turin ruahmanna an siam mek a ni awm a. A pasal hlui nen an inneih chhung khan fa 4 la in a pasal hian a enkawl. Nu leh fa nupa a insiama an inneihna chuan Internet ah sawi sep sep a tih tam phah viau a ni.

Timesnow