Mizo Elite News hi ṭha i tihzawng a nih chuan min lo Follow dawn nia

Smartphone Lei Nan A Nupui Ngei Chu A Hralh Phah

Sum leh pai a mamawh lutuk avang in ngaihtuahna fim pawh a hmang thei tawh lo. India ram Odisha a cheng thin kum 17 lek a upa chuan a nupui chu sum ah chantir in mipa dang hnen ah a hralh tih hriat a ni.

Rajesh Rana tia koh hi a nupui nen hian kum in July thla mai khan an innei a, an inneih atang reilo ah August khan Rajasthan an pan. Rajesh Rana hi lei rawh channa ah hna a thawk.

Rajasthan an thleng a hna thar te a zawm reilo ah chuan in a nupui chu mipa dang kum 55 a upa Baran district a cheng hnen ah Rs 1,80,000 in a hralh. A nupui hralhna sum hi ei leh in nan leh smartphone thar lei nan a lo chen ham ham bawk.

A nupui a hralh hnu ah an chenna khaw lama a kir chuan a nupui chhungte chuan an fanu chanchin chu an ngaihven a, engvangin nge a bulah a kir veloh tih an zawh chuan mipa dang nen an tlandun tiin dawt a sawi.

A nupui chhungte chuan a thusawi chu an rintheih loh vangin Police hnen ah thubuai an thehlut ta a, Rajesh Rana hian a nupui chu Rajasthan pa hnen ah a lo hralh tih an hrechhuak. Rajasthan ah an in tirchhuak nghal a, hmeichhia hi chhanchhuah an tum hian a leitu pa hian a man a pek vek tawh thu sawiin a lo tang nasa hle nghe nghe. Rajesh Rana hi a nupui a hralh vang hian Court ah inlan tura tiin thubuai siam sak a ni.