Mizo Elite News hi ṭha i tihzawng a nih chuan min lo Follow dawn nia

Sipai Uicho Ho Vanga Naupang Te Tawrhna Hi Hmuh A Hrehawm Thin

Sipai thuneihna in Myanmar ram a awp chin atang nitin mai in buaina hlir a ni chho ta ringawt a, eng tikah nge mipui te hian zalenna tluan tling an hmuh leh dawn tih pawh a hriat tawh rih loh.

Mipui zingah mi eng emaw zatin sipai kut tuar hian an nun an chan tawh. Sipai te hian eng ang mi pawh CDM thlawp tu a piang te chu an kap hmiah hmiah zel.

Ram mipui te ah thenkhat chu an sahimna tur zawngin sipai tlanchhiat sanin an raltlan mek. Ei leh in tur mumal pawh nei lo in ramah an vak kual a. Naupang te chunga thil thleng hi thlir liam mai zawng an har.

Hetiang hringnun bumboh tak kara nunkawng an zawh chho ta hi an lainatawm. An thian te nena inkawm hlim rual lek te an ni a, ei tur tha hmuh loh vangin a remchang a piang hnah te an ei a tul ta.

Nimin ah Mandalay ah hmeichhe pakhat chu khawlai ah sipai ten an kaphlum a, a ni bakah hian Kachin ah putar kum upa lam tawh an kaphlum bawk.

Multinational news CNN te pawh in an beng an chhu ngawng reng thei lo. Yangon ah CNN journalists thlengin an kawm kual tawh. CNN tarlan dan chuan February atang khan nunna chanta hi a tlem berah 550 an ni tawh tih advocacy group atang hriat a nih thu in an puang a ni.