Mizo Elite News hi ṭha i tihzawng a nih chuan min lo Follow dawn nia

Sipai Ten An Kahhlum Sak Tak A Fapa Ruang Chunga Hringtunu Tahna Zet Chuan Rilru A Va Khawih Em

He tleirawl kum 17 mi , Doctor zirlai Kawl sipai ten an kah hlum tak , A nu Chinese nu tawngkam chhuak hi a va lungchhiat thlak em.

“Ka fapa neih chhun, ka ro Hlu anih hi. Doctor anih hunah phei chuan mirethei leh pawisa neilo te phei chu a thlawn in asin ka en thin ang a tih ni. Tikhawp a mirilru tha leh mi fel chu in lo kap hlum ngam a ni maw. Ram tana Pasaltha tih te chu ahming chauh alawm a awm tawh dawn. Ka fapa duata erawh a awm tawh dawn si lo. Auntie hi min en rawh u, ka thinlung a kehsawm a sin. Ka tet laiin Shan State ramri ah ka awm thin a, Nitin deuh thaw Indona a awm reng thin avangin sikul pawh kal tha hlei thei lo in, ka tlanchhe reng thin a ni. Chuvangin ka Fapa hi thiamna sang tak zir se ka duh a ni.

Ka fapa zir nan hian kei in ka nghei anih pawh in pawi ka ti lo asin. Ka Fapa tan engkima engkim mai hi a tha ber ber te a ni ka pek thin. Tun ah zawng Duat theih tawp a ka duat ka Fapa kha a awm tawh si lo. Tun ah chuan ka fapa lehkha thiam leh fing tak kha a awm tawh lo. Ka fapa Doctor anih ve hun tur nghakhlel em em tu khan engtik ah mah fapa doctor hmuh hun ka nei tawh dawn lo a ni. Ka thinlung hi engmah hlauhna nei tawh lo khawp in a ni a nat tak ni. Ka fapa hi mirilru tha tak a ni asin. A aia upa te leh an zirtirtu te thleng pawhin an ngaina em em in, lehkha pawh a thiam thei lutuk asin. Ka fapa avangin vawi1 pawh ka la mualpho ngailo. Tunah chuan A nu pawh ngaihtuah lo in a ram tan a nunna a hlan in min kalsan ta. Ka fapa hi khawngaihin dam tir leh mai teh u. Vawi100 pawh min kap rawh u a pawi lo mahse ka fapa nunna hi min pe kir lul teh u. Khawngaih takin..”

A nu chuan a kut leh ke te mipui hmuh in Tap chungin ti hian ala sawi chhunzawm zel a,” He ka kut hian alawm lawm ka fapa chawhmeh duh ber ber te leh tui tih ber ber te ka siamsak thin, Mahse tun ah chuan ka chawhmeh siam te ei tur in ka fapa chu a awm tawh lo. (A nu chuan a ke te en chungin mittui nen) He ka ke nen hian asin ka fapa school ah te ka hruai thin. A Tuition kal te ka thlah thin a. Ka fapa tello in engtin nge ka ke te hi ka pen theih tak ang. Ka fapa hi Monk thla1 chung anih lai khan (Kawl buddhist ah mipa ho hi Monk ah an tang ngei ngei thin) ka fapa hi ka ngai em em a, a hmel ka hmuh chak tawh lutuk avang khan Buddhist Temple ah kalin thleng zawng zawng ka va sil thin a, ka fapa hmel hmu tur ringawt in ka va nghak thin. Ka fapa hi lehkha a thiam zia chu mi 400 chuang zing ah te 4na ah te alang asin. Ka fapa hi ka chhuang lutuk asin.” ti in tap chung mipui hma ah a sawi a.

Death Body lam tur a an kal laiin afapa thih hmun kawngpui bul an thlen meuh chuan A nu in tap chungin “Ka fapa en ta che,an kahna hmun ah che hian Rose🌹 par tam tak an dah te hi i hmu em? He ti laiah hian asin ka fapa pawisawilo an kah hlum a an hnuk kual hrep asin. Ka rilru na lutuk hi sawi dan pawh ka thiam lo a ni e.” ti in.
(A nu chu a ngawi vang vanga ti hian a rawn sawi leh a) Ka fapa hi kum 18 pawh ala tling lo asin. Chu chu vawi 3 ngawt alawm an lo kah.

A nu chuan sawi chhunzawm zel in “Keini chu chinese dik tak kan ni a mahse Myanmar a piang leh seilian kan ni. Ngen duh che u ka pakhat ka nei a ni. Myanmar ram chinese ho hi chu min hua in min ngei lo hram rawh u. Myanmar a piang kan nih anga bawkin Myanmar rilru alawm kan put, kan rilru leh china ram a chinese ho rilru chu a inthlau lutuk. Kei te hi min en teh u an duham lutuk leh hmasial lutuk avang in ka fapa ka chan hi. There is no perdo for you untill the end of the world” a ti bawk.

Ka fapa thihna hriatreng theih tur in engemaw min siamsak hram hram rawh u. ka fapa ka ngaih em em changa ka va tlawh ziah theihna tur in leh ka fapa ka chhuan em em ka hriatreng na tur in engemaw min siam sak thei ula ti in a ngen.

Ka fapa thinna avangin ralna sum emaw, vehbur tih ang te tianga pawisa inpek te hi ka mamawh lo a, pakhat mah ka duh lo. mahse in pe thei anih chuan kei nilo in keini aia tanpui ngai te tanpui zawk rawh u. Kei min pek aiin ka fapa hming in tiin midang lo pe zawk zel rawh u. Ka fapa tan thil tha intheih tawp in min lo tih sak tur in ka ngen a che u a ni.” ti in a fapa chu a thlah liam ta a.

Source : Facebook Group