Mizo Elite News hi ṭha i tihzawng a nih chuan min lo Follow dawn nia

Sipai Suaksual Ten An Mi Thah Te Ruang Mitthi Chhungte Hnenah An Lei Tir

An chhungte tan chuan rilru a va na duh dawn em. Mahni chana han indah ngat phei chuan hriatthiam a har khawp ang. An chhungte damlai pawh ni tawh lo tlanchhuahna tura an thil tih hi.

Myanmar chu a ni tel in sipai te an che na tual tual zel a, chawlh zai reng an rel thei lo a ni ber. Bago ah kar kalta Zirtawpni April 9 khan sipai te mipui chung ah rawng takin an che a, tualchhung mi eng emaw zatin nunna an chan a ni.

Nunna chan zat chiah hi mi 82 nia sawi a ni a, sipai te hian heng an mi thah tak te ruang hi an kalsan nghal mai lo. Ruang te chu an chhungte lak hma in an rubo a, a hnu ah an ruang hmang vek chuan sumdawnna atan an hmangzui leh a ni.

Mitthi chhungte hnen ah Junta te hian an chhungte thi tawh ruang tlanchhuahna tur atan pakhat zel ah $85 an phut tih hriat a ni a, hei hi India pawisa in cheng 6,000 vel a ni.

Heng sipai te chetdan hi a huatthla la awm hle a, mipui pungkhawm a kawng zawh a piang te pawh Grenade hmangin an lo bei thin a, mipui te tan insaseng bak chet lakdan vak a awm lo tih an sawi. Mitthi ruang hmanga an sumdawnna hi khawthlang thuneitu lawk te beng pawh a thleng hial tawh a ni.