India ram te Tokyo Olympics 2020 a min ti hming tha tu Manipur nula Weightlifter Mirabai Chanu chuan women’s 49 kg category ah India tan Medal hmasa ber a chawichhuah avang in India ram mipuite zingah huhang a ngah hle.
Milar leh politicians te atang ram tan a hlawhtlinna ropui a chan ah lawmpuitu an thahnem nasa a, Tokyo hmun atang an chenna in lama a haw hnu ah Twitter ah thlalak rawn post in, a nu leh pa te nen a an thlalak a tarlan zet chuan mite thinlung a hneh viau a ni.
Kum 2 chhung zet an inhmuh tawh loh hnu a intawhkhawmna an neih leh theih vangin a lawm a, tun dinhmun thleng tura thlawp tlat tu a chhungte hnen ah lawmthu a sawi bawk.
Mirabai Chanu hi chhungkaw hausa tak atang a chawrchhuak a nih bik loh zia chu a thlalak atang in chiang tak in a hmuh theih. Mahsela retheihna chu in dal tir lovin tun hun hi a in chawichhuak ta a ni.
India tan Silver medal a lak vangin an State sorkar chuan cheng vaibelchhekhat an pe a, hei bakah Police ah hna a hmu thar bawk. Hei chauh ala nilo, Railway Ministry atang cheng vaibelchhe hnih leh India Sorkar in cheng nuai 50 an hlan hmiah mai.
A hma pawh in Mirabai Chanu hian 2014 Commonwealth Games khan Silver Medal a lo chawichhuak tawh bawk a ni.