Mizo Elite News hi ṭha i tihzawng a nih chuan min lo Follow dawn nia

Sidharth Shukla vuina ah mite mittui tih tlak sak tu Shehnaaz Gill leh Sidharth nu

Thihna zet hi zawng damchhunga hmel inhmu tawh lo tur a in mangtha na a nih vangin a nat dan hi sawifiah thiam mai chi a nilo. In hmangaih leh in duhlai tak tak te pawh thihna kut vawt chuan zahngaihna nei lovin a then hrang ta si a.

September 2 a Bollywood Actor boral Sidharth Shukla (40) chu Zirtawpni September ni 3 khan Oshiwara Crematorium ah a ruang vuiliamna neih a ni ta a, Sidharth laina hnai leh a chhungte pawh a hun hnuhnung ah hian an inlan kim thawkhat hle.

Vuina a mite thinlung hneh leh an rilru ti na em em tu chu Sidharth Shukla bialnu Shehnaaz Gill leh a hringtu nu te an ni. Shehnaaz Gill hi Sidharth ruang vuina ah hian din pawh a ding hleithei lova, thinlung kehsawm vangin crematorium chhuat ah a nu mal chungah a lo mu tawp mai a ni.

Sidharth thihna hi a pawm thei lo a, damchhung atan a thlah thei rih lo. Dan zawh rual loh in a tap. Ambulance hmanga a vuina tur lam ah Sidharth ruang panpui a nih hian Shehnaaz chu lungchhe takin a hmangaih em em hi a ko chiam chiam a, mahsela chhawn let tu reng a awm tawh silo. Sidharth hringtunu Rita Shukla pawh a fapa neih chhun ngawih ngawih thlahna ah hian mite thinlung chhun sak tu a ni bawk.