Mizo Elite News hi ṭha i tihzawng a nih chuan min lo Follow dawn nia

Shilpa Shetty Pasal Raj Kundra Ngenna Chu Court In A Hnawlsak

Bollywood Actress, Shilpa Shetty pasal Businessman Raj Kundra chu puitling film bawlhhlawh siam leh thehdarh vangin thubuai a nei mek a, he a buaina atang hian talchhuah tum viau mahse a insawi fihlim thei lo.

Raj Kundra hian man a nih loh na tur hram in a thluak a vawrhvir a, Bombay High Court erawh in bail hmang a chhuah a dilna chu ngaihven lo in a hnawl sak leh tih hriat a ni. Amah bakah a thurual pui Ryan Thorpe pawh hren a la ni dawn a, judicial custody ah an la awm a ni.

July 19 khan Kundra leh Thorpe te hi man an ni a, Kundra laptop ah hian film bawlhhlawh leh tawp tak tak 68 zet an hmuchhuak. Investigating officer te chuan Kundra leh Thorpe ten finfiahna thenkhat tichhia in message an delete thu leh mobile phones a evidence te chu an thai bo tih an sawi bawk.

A nupui Shilpa Shetty chu a pasal sumdawnna tenawm tak hi a hriatpui lo niin tarlan a nia, mahse mitam zawk te chuan Shilpa Shetty in a chenpui ngei a pasal thil tih hriatpui lo anga a pha hi awilo fe fe tu an tam hle. An chenna Police ten an dap tumah Shilpa hian a pasal hi nasa taka ankhum in Police te hma ah alo tap an ti.

Raj Kundra hian a eizawnna hi a hausak pui hle tih an sawi a, nitin a chhe berah pawh nuai chuang fe sum a lo hui lut ruih ruih zel a ni awm e.