Mizo Elite News hi ṭha i tihzawng a nih chuan min lo Follow dawn nia

Shilpa Shetty Leh Raj Kundra Te Lakah Inbumna Thubuai Thehluh A Ni

Bollywood star, Shilpa Shetty leh a pasal Raj Kundra te chu Film bawlhhlawh siam leh thehdarh kawngah hmingchhiatna nasa tak an tawh laiin inbumna chungchang ah thubuai an nei leh ta.

Cheng vaibelchhe 1.51 tih chingpen leh inbumna ah Shilpa Shetty leh Raj Kundra te hi khin an ni. Pune-based businessman Yash Barai chuan Kundra, Shetty leh Fashion TV MD Kashiff Khan ten an contract an bawhchhia tiin Mumbai Police Bandra Police Station ah thubuai hi a thehlut a ni.

Thubuai thehluh atang a landan in Raj Kundra te hian fitness scheme ah Yash Barai hi a sum invest turin an thlem a, a hlawkna a hmuh ngei pawh an tiam nghal. Mahsela chutiang hlawkna chu engmah a hmulo hrim hrim.

Raj Kundra te hnen ah a sum invest te pe kir leh tura a ngen chuan pek let chu sawi loh vauna a dawng zawk. He an buaina hi July 2014 daih a thleng tawh kha a ni nghe nghe.

Bandra police te chuan Yash Barai thubuai thlen atang IPC Section hrang hrang 420 (cheating), 120-B (criminal conspiracy), 506 (criminal intimidation) leh 34 (common intention) hmang ten FIR hi an ziaklut. Investigation hi neih mek zel ala ni.

Yash Barai mai bakah hian Bollywood Actor, Sherlyn Chopra chuan Raj Kundra leh Shilpa Shetty lakah October 14 khan sexual harassment, cheating leh criminal intimidation hmangin Juhu police station ah thubuai alo thlen tawh bawk.