Mizo Elite News hi ṭha i tihzawng a nih chuan min lo Follow dawn nia

Shilpa Shetty Chu A Pasal Hmingchhiatna Vangin Sum Tam Tak A Chan Phah Dawn

Bollywood Actress, Shilpa Shetty chuan a pasal Raj Kundra hmingchhiat leh mualphona avangin a tuar phah hle a, sum a hmuh tur eng emaw zat a chan phah tawh.

Shilpa Shetty hi dance reality show Super Dancer Chapter 4 Judge zing a pakhat a nia, he Show hlawk pui ber pawl ah a tang. Mahse a pasal Raj Kundra chu hurherhna lam thil chungchang ah man a ni a, Shilpa hian Shoot a neih tur te a thulh.

Show a a inlan tak loh ah chuan Shilpa Shetty hian pawisa vaibelchhe chuang zet a hloh phah tawh tih an puang. Source in a sum hloh tawh zat hi vaibelchhe 2 (Rs 2 crore) vel niin an sawi.

Reality Show ah hian Shilpa Shetty hi Judge hlawhsang ber pawl a ni. Episode khat zela a hlawh hi Rs 18-22 lakhs inkar bawr vel a ni bawk a, chawlhkar tin episode 2 zel air a ni.

Raj Kundra pornography case hriatchhuah a nih atang Shilpa hi vantlang hmuh theih in a inlan hmuh a ni ngai meuh tawh lo. Show a chawlh hnu hian Karishma Kapoor chu guest judge ah sawm a ni a, actor Riteish Deshmukh leh a nupui Genelia Deshmukh te pawh special guest judges ang in upcoming episode ah an tel dawn.

Media thenkhat chuan Shilpa hi Reality Show atang channel in ban hlen an tum tawh an tia, mahsela Shilpa Shetty erawh in chawlhhlen a tum lo tih sawi a a awm bawk. Tun atanga reilo te ah kir leh thuai an beisei an ti.

Raj Kundra hi July 19 khan man a nia, puitling film siam leh thehdarh kawngah a hnarkai tu bera puh a ni. Video te hi a app Hotshots kaltlang in a pe chhuak thin. Tunah judicial custody ah a awm mek. A pasal thubuai ah hian Shilpa Shetty hi a inrawlh ngei em tih Mumbai Police Crime Branch chuan an chhui zel a, vawi hnih lai thu zawhfiah a koh a ni tawh. Mahsela tun thleng in a inhnamhnawih a ni tih finfiah na hmuh a la nilo.