Mizo Elite News hi ṭha i tihzawng a nih chuan min lo Follow dawn nia

Shawn Mendes leh Camila Cabello te chenna in ah rukru lutin Shawn lirthei manto a tlanbo pui

Kar kalta mai khan Pop Singer, Shawn Mendes leh a bialnu Camila Cabello te chenna in Los Angeles ah tu tih hriat loh rukru a lut a, Shawn Mendes lirthei manto chu rukru hian a tlanbo pui.

TMZ in a tarlan dan chuan rukru hi In ah hian tukverh atang a lut a, mahsela a luh lai tak hian Shawn leh Camila te hi In a an lo awm ve lai tak a ni.

In ah midang an awm mek tih a hriat avangin rukru hi a awm reilo hrim hrim a, mahsela a chhuahdawn ah Shawn Mendes-a motor chahbi chu la in Mercedes G-Wagon a tlanpui ta hram.

Police lam te hriat tir an nih hnu ah Shawn leh Camila te chenna in an thlen meuh chuan rukru hi a lo tlanbo fel hman diam tawh a,LAPD ten an chhui zui mek.

He thu buatsaih thleng hian Los Angeles Police Department hian man an la neih hriat a nilo.

A hma in Shawn leh Camila te hi Miami a Camila Cabello In ah an khawsa a,Hollywood Hills a an insawnna pawh ala rei lutuk lo. He in hi Cuban-born songstress hian 2019 khan $3.4 million in a lei a ni.

An chunga thil duhawm lo thleng fans ten an hriat rual chuan an tawrhpui thu leh rukru hi a rang thei ang bera Police ten manchhuak vat tura an duh thu an tarlang hlawm.